اردو

وکٹوریا کا ریاستی الیکشن ہفتہ 28 نومبر کو ہے۔

ریاستی الیکشن میں کس کو ووٹ دینا لازمی ہے؟

وکٹوریا میں رہنے والے تمام آسٹریلوی شہری جن کی عمر 18 سال یا اس سے زیادہ ہے، ان کے لیے وکٹوریا کے ریاستی الیکشن میں ووٹ کے لیے نام درج کرانا لازمی ہے۔

اگر آپ آسٹریلوی شہری بن چکے ہیں لیکن ابھی تک ووٹ کے لیے نام درج نہیں کرایا، تو آپ کو منگل 3 نومبر کو رات 8 بجے تک اپنا نام درج کروا لینا چاہیے۔

بہت سے لوگوں کا نام شہریت کی تقریبات میں ہی ووٹ کے لیے درج ہو جاتا ہے۔ اگر آپ کو صحیح سے معلوم نہیں ہے کہ آپ کا نام درج ہے یا نہیں، تو آپ جاننے کے لیے ہمیں 03 9209 0165 پر کال کر سکتے ہیں۔

ووٹ کے لیے نام درج کروائیں

آپ یا تو آن لائن (انگریزی میں) ووٹ کے لیے نام درج کروا سکتے ہیں یا آسٹریلوی الیکٹورل کمیشن (AEC) سے مدد کے لیے ترجمہ شدہ معلومات حاصل کر سکتے ہیں۔

اگر آپ نام درج کرانے کی آخری تاریخ ( منگل 3 نومبر ، رات 8 بجے ) تک اپنا نام درج نہیں کروا پاتے، تو ووٹنگ سینٹر کی فہرست میں آپ کا نام نہیں ہوگا۔ آپ الیکشن کے عملے کو بتا سکتے ہیں کہ آپ ووٹنگ سینٹر پر ہی نام درج کرا کر ووٹ دینا چاہتے ہیں۔ وہ فارم بھرنے میں آپ کی مدد کر سکتے ہیں۔

اپنی تفصیلات چیک یا اپ ڈیٹ کریں

ایک بار جب آپ کا نام ووٹر لسٹ میں آ جائے، تو آپ کو اپنی تفصیلات درست رکھنی ہوں گی۔ جب بھی آپ گھر بدلیں، آپ کو اپنی درج شدہ معلومات کو اپ ڈیٹ کرنا ہوگا۔ اگر آپ نے اپنا نام بدلا ہے یا حال ہی میں گھر بدلا ہے، تو منگل 3 نومبر کو رات 8 بجے سے پہلے اپنی معلومات لازمی اپ ڈیٹ کریں۔

اپنا پتہ یا نام تبدیل کرنے کے لیے آپ آن لائن (انگریزی میں) اپنی معلومات اپ ڈیٹ کر سکتے ہیں۔

کیا مجھے ووٹ دینا لازمی ہے؟

جی ہاں۔ اگر آپ کا نام وکٹوریا میں ووٹ دینے کے لیے درج ہے تو آپ کو ووٹ دینا لازمی ہے۔ بغیر کسی معقول وجہ کے ووٹ نہ دینے کی صورت میں آپ کو 105 ڈالر کا جرمانہ ہو سکتا ہے۔

ووٹ کیسے دیں

پہلے سے ووٹ ڈالیں

اس الیکشن میں کوئی بھی شخص پہلے سے ووٹ ڈال سکتا ہے؛ ایسا کرنے کے لیے کسی خاص وجہ کی ضرورت نہیں ہے اور نہ ہی کوئی اضافی فارم بھرنا پڑتا ہے۔

پہلے سے ووٹ ڈالنے کے سینٹر (Early voting centres) بدھ 18 نومبر سے جمعہ 27 نومبر تک صبح 9 بجے سے شام 6 بجے تک کھلے رہیں گے۔ اتوار 22 نومبر کو یہ ارلی ووٹنگ سینٹرز بند رہیں گے۔

الیکشن کے دن ووٹ دیں

الیکشن کے دن ووٹنگ کے مراکز ہفتہ 28 نومبر کو صبح 8 بجے سے شام 6 بجے کے درمیان کھلے رہیں گے۔ِ

بدھ 4 نومبر سے اس ویب سائٹ پر اپنے سب سے قریب ترین ووٹنگ سینٹر کا پتہ معلوم کریں۔

تمام ووٹنگ سینٹروں پر 29 زبانوں میں ووٹ ڈالنے کی ہدایات موجود ہوں گی۔

ووٹنگ سینٹروں پر کچھ عملہ انگریزی کے علاوہ دوسری زبانیں بھی بول سکتا ہے۔ وہ ایک ایسا بیج(badge) پہنیں گے جس پر ان کی بولی جانے والی زبانیں لکھی ہوں گی۔

پوسٹ کے ذریعے ووٹ دیں

اس الیکشن میں آپ اپنے بیلٹ پیپرز گھر پر منگوانے کے لیے آن لائن اپلائی کر سکتے ہیں۔

آپ بدھ 4 نومبر سے لے کر بدھ 25 نومبر کو شام 6 بجے کے درمیان اپلائی کر سکتے ہیں۔

ہم منگل 10 نومبر سے بیلٹ پیک پوسٹ کرنا شروع کر دیں گے۔ اپنا ووٹ مکمل کریں اور اسے ہفتہ 28 نومبر کو شام 6 بجے سے پہلے ڈاک کے ذریعے پری-پیڈ (پہلے سے خرچ ادا شدہ) لفافے میں واپس بھیج دیں۔

بیلٹ پیپر کیسے پُر کرنا ہے

آپ کے ووٹ کا گنتی میں شامل ہونے کے لیے ضروری ہے کہ آپ اپنے دونوں بیلٹ پیپرز درست طریقے سے پُر کریں۔

چھوٹے ایوان زیریں والے بیلٹ پیپر پر:

• اس شخص کے نام کے ساتھ والے خانے میں 1 لکھیں جسے آپ جتوانا چاہتے ہیں
• اپنی دوسری پسند کے شخص کے ساتھ والے خانے میں 2 لکھیں
• اپنی تیسری پسند کے شخص کے ساتھ والے خانے میں 3 لکھیں
• خانے نمبروار بھرتے جائیں یہاں تک کہ تمام خانوں میں نمبر آ جائیں
• صرف ہندسوں / نمبروں کا استعمال کریں۔

بڑے ایوان بالا والے بیلٹ پیپر پر آپ یا تو:

• لائن کے اوپر والے گروپس کو ووٹ دے سکتے ہیں اور اپنی مرضی کی ترتیب سے کم از کم پانچ خانوں میں نمبر لکھ سکتے ہیں
  یا
• لائن کے نیچے الگ الگ امیدواروں کو ووٹ دے سکتے ہیں اور اپنی مرضی کی ترتیب سے کم از کم 5 خانوں میں 1 سے 5 تک نمبر لکھ سکتے ہیں۔
• اگر آپ چاہیں تو 5 سے زیادہ خانوں میں بھی نمبر لکھ سکتے ہیں، لیکن آپ کا ووٹ شمار ہونے کے لیے کم از کم 5 خانوں میں نمبر دینا لازمی ہے۔

ووٹ ڈالنے کے طریقہ کار کے بارے میں مزید معلومات

کیا آپ وکٹوریا سے باہر ہیں؟

اگر آپ بدھ 18 نومبر سے ہفتہ 28 نومبر کے درمیان وکٹوریا سے باہر ہوں گے، تب بھی آپ ووٹ دے سکیں گے۔ آپ یہ کام کر سکتے ہیں:

• آسٹریلیا میں کسی بھی دوسری ریاست کے الیکٹورل کمیشن کے دفتر جا کر خود ووٹ ڈال سکتے ہیں
• کسی بھی بیرون ملک ووٹنگ سینٹر پر جا کر خود ووٹ ڈال سکتے ہیں
• پوسٹ کے ذریعے ووٹ دینے کے لیے اپلائی کریں اور اپنا مکمل کیا ہوا بیلٹ پیپر ہمیں واپس بھیجیں
• پوسٹ کے ذریعے ووٹ دینے کے لیے اپلائی کریں اور اسے اپنے قریبی بیرون ملک ڈراپ آف پوائنٹ پر جمع کروائیں۔

دوسری ریاستوں کے ووٹنگ سینٹر اور بیرون ملک ڈراپ آف پوائنٹس صرف دفتری اوقات میں کھلے رہتے ہیں۔ الیکشن کے دن (ہفتہ، 28 نومبر) کسی بھی دوسری ریاست یا بیرون ملک ڈراپ آف پوائنٹ پر ووٹنگ نہیں ہوگی۔

ہمیں بتائیں کہ آپ وکٹوریا سے باہر ہوں گے

اگر آپ بدھ 18 نومبر سے ہفتہ 28 نومبر کے درمیان وکٹوریا سے باہر ہوں گے، اور آپ نہ تو پہلے سے ووٹ دے سکتے ہیں اور نہ ہی پوسٹ کے ذریعے، تو آپ جانے سے پہلے ہمیں بتا سکتے ہیں۔

ہمیں بتانے کے لیے 3 طریقے ہیں:

• ترجمان کی مدد سے ہم سے بات کرنے کے لیے >03 9209 0165 پر کال کریں
• "وکٹوریا سے باہر ہونے والا" ((away from Victoria فارم (انگریزی میں) بھرنے کے لیے "check my enrolment" کا استعمال کریں
• اگر آپ عارضی طور پر یا طویل عرصے کے لیے کسی دوسری ریاست یا بیرون ملک جا رہے ہیں، تو آپ AEC کے ذریعے بیرون ملک رہنے کا نوٹیفیکیشن فارم (انگریزی میں) مکمل کر سکتے ہیں۔

ووٹر الرٹ (VoterAlert)

VoterAlert ایک مفت ایس ایم ایس اور ای میل کے ذریعے الیکشن کی یاد دہانی کی سروس ہے۔ آپ الیکشن کی تازہ ترین معلومات اور ووٹنگ کی یاد دہانیاں (انگریزی میں) حاصل کر سکتے ہیں۔

VoterAlert کے لیے سائن اپ کریں

الیکشن میں حصہ لینے والے امیدوار کون ہیں؟

آپ بدھ 4 نومبر سے اپنے علاقے میں الیکشن میں کھڑے ہونے والے افراد کے بارے میں معلومات حاصل کر سکتے ہیں (انگریزی میں)۔

الیکشن میں کھڑے ہوں

اگر آپ الیکشن میں حصہ لینا چاہتے ہیں، تو آپ کو نامزدگی (nominate) کرانی ہوگی۔

الیکشن میں کھڑے ہونے کے لیے نامزدگیاں بدھ 4 نومبر کو شروع ہوں گی اور پیر 9 نومبر کو دوپہر 12 بجے بند ہو جائیں گی:

الیکشن میں حصہ لینے کے بارے میں مزید معلومات حاصل کریں (انگریزی میں)

عطیے (ڈونیشن) کی تفصیلات ظاہر کرنا

کوئی بھی آسٹریلوی شہری، آسٹریلوی رہائشی، اور کوئی بھی تنظیم جس کے پاس متعلقہ بزنس نمبر ہو، وکٹوریا میں سیاسی عطیات دے سکتا ہے۔ متعلقہ بزنس نمبر یہ ہیں:

• آسٹریلوی بزنس نمبر (ABN)
• آسٹریلوی کمپنی نمبر (ACN)۔

عطیہ دینے والا 15 اپریل سے 28 نومبر 2026 کے درمیان کسی ایک شخص کو 5,190 ڈالر سے زیادہ کا عطیہ نہیں دے سکتا۔ اگر آپ 1,290 ڈالر یا اس سے زیادہ کا سیاسی عطیہ دیتے یا وصول کرتے ہیں تو آپ کو ہمارے آن لائن سسٹم VEC disclosures کے ذریعے اس کی اطلاع دینی ہوگی۔ آپ کو عطیہ ملنے کے 21 دنوں کے اندر یہ کرنا ہوگا۔ اگر آپ 1,290 ڈالر یا اس سے زیادہ کے دو یا دو سے زیادہ عطیات دیتے ہیں تو آپ کو ہر عطیے کی الگ سے اطلاع دینی ہوگی۔

سیاسی عطیے کی تفصیل ظاہر کریں

سیاسی عطیات کے بارے میں مزید پڑھیں (انگریزی میں)

اگر آپ ووٹ نہ دیں تو کیا ہوتا ہے؟

اگر ہمارے پاس آپ کے ووٹ دینے کا ریکارڈ نہیں ہے، تو ہم آپ کو ایک خط بھیجیں گے جس میں پوچھا جائے گا کہ کیا آپ نے ووٹ دیا تھا۔

• اگر آپ نے ووٹ دیا تھا، تو ہمیں بتائیں کہ آپ نے کہاں ووٹ ڈالا تھا تاکہ ہم اپنے ریکارڈ کی جانچ کر سکیں
• اگر آپ نے ووٹ نہیں دیا، تو ہمیں اس کی وجہ بتائیں

آپ اس نوٹس کا جواب آن لائن، خط کے ذریعے یا ای میل کے ذریعے دے سکتے ہیں۔

اگر آپ جواب نہیں دیتے، یا آپ کے پاس ووٹ نہ دینے کی کوئی معقول وجہ نہیں ہے، تو آپ کو 105 ڈالر کا جرمانہ ادا کرنا پڑ سکتا ہے۔

مزید معلومات

اگر آپ کو 2026 کے ریاستی الیکشن کے بارے میں کوئی سوال پوچھنا ہے، تو ترجمان کی مدد سے ہم سے بات کرنے کے لیے >03 9209 0165 پر کال کریں۔