македонски
Овој октомври се одржуваат локалните општински избори (Local council elections). Ќе ви испратиме пратка со гласачко ливче за да може да гласате дома.
Прескокнете до
Нема избори за Moira Shire Council оваа година. Не мора да гласате.
Кој може да се пријави да гласа
Постојат два вида на списоци на гласачи во локалните општински избори: државен список на гласачи и општински список на гласачи.
Државен список на гласачи
Вие морада се пријавите и да гласате ако:
- сте австралиски државјанин
- сте 18 години или постари
- живеете на вашата адреса подолго од еден месец.
Ако сте станале австралиски државјанин, но сè уште не сте се пријавиле да гласате, мора да се пријавите до 16 часот во среда, 7ми август.
Многу луѓе се пријавуваат да гласаат за време на церемониите за државјанство. Не сте сигурни дали сте пријавени? Може да ни се јавите на 03 9209 0105 за да проверите.
Можете или онлајн да се пријавите да гласате (на англиски јазик) или можете да пополните преведен формулар за пријавување.
Преведениот формулар за пријавување ќе се испечати на англиски. Може да го потпишете и да ни го испратите на:
Victorian Electoral Commission
Reply Paid 66506
Melbourne VIC 8001
Не ви треба поштенска марка.
Проверете ги или ажурирајте ги вашите податоци
Откако ќе се пријавите во списокот на гласачи, мора да ги ажурирате вашите податоци. Секојпат кога ќе се преселите или ќе го промените вашето име, треба да ги ажурирате вашите податоци.
Ако неодамна сте се преселиле или сте го смениле името, мора да ги ажурирате вашите податоци пред 16 часот во среда, 7ми август.
Можете онлајн да ги ажурирате вашите запишани податоци (на англиски јазик), или да го употребите истиот преведен формулар за пријавување за да ја ажурирате вашата адреса или да го смените името.
Општински список на гласачи
Постојат посебни правила за локалните општински избори. Ако не сте австралиски државјанин, но вие:
- сте сопственик на имот, живеете на имотот или претставувате корпорација и плаќате даноци на општината за тој имот
- сте 18 години или постари
- не сте на државниот список на гласачи
може да аплицирате да се пријавите директно во вашата локална општина.
Melbourne City Council има сопствени правила. Ако изнајмувате куќа, стан или продавница во City of Melbourne, вие исто така можете да се пријавите за гласање.
Контактирајте директно со вашата локална општина за да проверите дали сте пријавен општински гласач или да аплицирате за пријавување. Мора да се пријавите со општината до 16 часот во среда, 7ми август.
Откако ќе се пријавите, мора да гласате. Ако не гласате, може да добиете парична казна.
Прочитајте повеќе за општинскиот список на гласачи..
Како да гласате на локалните општински избори
Ќе ви испратиме пратка за гласање од понеделник, 7ми октомври.
Во пратката за гласање ќе има:
- гласачко ливче
- изјави од луѓето кои се кандидираат за изборите
- плик за гласачко ливче (за да го ставите во него вашиот глас)
- однапред адресиран и платен плик (за да го ставите во него пликот со гласачкото ливче).
Некои општини ќе имаат исто така и леток со упатства на други јазици.
За да се брои вашиот глас, мора правилно да го пополните гласачкото ливче:
- напишете 1 во полето до лицето кое сакате да победи
- напишете 2 во полето до лицето кое ви е втор избор
- продолжете да пишувате броеви додека сите полиња имаат број
- користете само броеви.
Melbourne City Council има посебни правила за гласање. Ако сте на гласачкиот список на Melbourne City Council, ќе добиете 2 гласачки ливчиња. Мора да ги пополните двете гласачки ливчиња.
На помалото гласачко ливче, за избор на лидерскиот тим, мора да ставите броеви во сите полиња, по ваш избор.
Поголемото гласачко ливче е за општинските избори. Може да ставите „1" над линијата за групата советници што сакате да ве претставуваат
ИЛИ
Можете да ставите броеви во полињата под линијата, за поединечни советници. Ако гласате под линијата, мора да ставите број во секое поле под линијата по редослед по ваш избор.
Како да го испратите вашиот глас
- Пополнетото гласачко ливче ставете го пликот за гласачко ливче (оној што има преклоп) и залепете го.
- Пополнете ги вашите податоци на преклопот на пликот за гласачко ливче.
- Ставете го запечатениот плик за гласачко ливче во однапред адресираниот и платен плик пред да го испратите.
Испратете ни го што е можно поскоро. Крајниот рок за вашиот глас да биде испратен по пошта е 18 часот во петок, 25 октомври. На локалното поштенско сандаче, проверете во колку часот се собира поштата за да бидете сигурни дека вашиот глас е испратен на време.
Мора да гласате
Ако сте пријавени, мора да гласате. Ако не гласате, може да добиете казна од 99 долари ако немате добра причина.
Секој глас се брои, а вашиот глас е важен. Секои избори се шанса за вас да кажете кој ќе ве претставува за прашањата што ви се важни.
Отсутни за време на изборите
Ако бидете отсутни од вашата вообичаена адреса помеѓу понеделник, 7ми и петок, 25ти октомври, сепак можете да гласате на општинските избори.
Можете да направите едно од следните:
- Да побарате да ви испратиме пратка за гласање на друга адреса. Ќе имаме онлајн формулар за ова среда, 7ми август.
- Да гласате во канцеларијата за избори во вашата општина помеѓу четврток, 19ти септември и петок, 25ти октомври. Најдете ја канцеларијата за гласање на вашата општина.
Известете нè дека сте отсутни
Ако бидете надвор од Викторија помеѓу понеделник, 7ми и петок, 25ти октомври и не можете да гласате во канцеларија за гласање или да ја испратите пратката за гласање на друга адреса, можете да ни кажете.
Тоа значи дека ние знаеме дека сте отсутни и дека не можете да гласате.
Јавете се на 03 9209 0105 за да зборувате со преведувач.
Може да пополните и формулар Away from Victoria (Надвор од Викторија) (на англиски јазик) кога ги проверувате вашите информации за пријавување за гласање.
VoterAlert
VoterAlert е бесплатна SMS и имејл служба за потсетување за избори. Може да добиете ажурирани информации за изборите и потсетници за гласање (на англиски јазик).
Лица кои се кандидираат за избори
Можете да ги разгледате лицата кои се кандидираат за избори во вашата област од понеделник, 9ти септември (на англиски јазик). Ќе ви испратиме и брошура со пратката за гласање со имињата на лицата за кои ќе се гласа.
Кандидирајте се за избори
Ако сакате да се кандидирате за изборите, треба да се номинирате. Треба да ги разберете правилата пред да можете да се номинирате.
Јавете се на 03 9209 0105 за да зборувате со нас со преведувач, за да дознаете повеќе за овие правила.
Номинациите за кандидирање на изборите се отвораат во 9 часот наутро во понеделник, 9ти септември. Се затвораат во 12 часот попладне во вторник 17ти септември.
Дознајте повеќе за кандидирање за изборите (на англиски јазик).
Ако не гласате
Ако сте на списокот на гласачи, по изборите ќе добиете писмо од нас, со прашање за причината зошто не гласавте. Тоа не е казна, но важно е да ни одговорите. На формуларот напишете ја причината зошто не гласавте и испратете ни го назад.
Ако не ни го вратите писмото или ако немате добра причина зошто не гласавте, може да платите парична казна од 99 долари.
Повеќе информации
Ако имате прашање за локалните општински избори во 2024 година, јавете се на 03 9209 0105 за да зборувате со нас со преведувач