Halo, ka min cu Van Tha mang a si. Keimah cu Demokari Ai-awhtu ka si.

Victoria Thimnak lei Komisin caah rian ka tuan.

Sikpar (November) ah, Victoria Pine thimnak kan rak tuah i Australia rammi sinak a ngeimi dihlak nih thimnak ah mee thlak ding a rak si.

VEC nih mee na thlaknak rikawt a ngeih lo ahcun, zeiruang ah mee na thlak lo timi halnak cakuat na dong men lai.

Hihi cu dantat a si lo.

Cabawm chungah, na sanh dingmi cu:
Fawm.
holh tampi in tialmi lamhmuhsaknak pawl.
le tangka pekciami cakuat lehnak cabawm.

Fawm ah, mee na thlak le thlak lo hal na si lai.

Mee na thlak cang ahcun, zaangfahnak in zeitik ah, khoika ah na thlak kha kan chim.

Mee na thlak lo ahcun, na thlaklonak aruang kha na fianter hrimhrim lai.

Mee na thlak le thlak lo na kan chimh dingah hi cakuat na hmuh nithla thawkin ni 28 na ngei.

Tangka pekciami cakuat lehnak cabawm chungah hi fawm cu sanh law aran khawh chung rangin kan sin ah kan kua than.

Zaangfahnak cakuat cu zeirel lo in um hlah. Lehnak na tuah lo ahcun dantat na tong men lai.

Fawm phih dingah bawmh na herh ahcun, zaangfahnak in holhlehnak lei riantuanpiaknak nambar 9209 0112 ah chawn asilole kan website vec.vic.gov.au ah zoh law holhlettu logo kha thim.